Қазақстанға шетелдік банктер келсе, арзан несиелер бола ма? Бұл сұраққа Қаржы нарығын реттеу және дамыту агенттігінің төрайымы Мәдина Әбілқасымова жауап берді, – деп хабарлайды Tengrinews.kz тілшісі.
«Президент Қазақстанға үш шетелдік банкті тартуды тапсырды. Шетелдік ойыншылардың келуіне байланысты қазақстандықтарға арзан несие бола ма? Мысалы, 1 пайыздық ипотека?», – деп сұрады журналистер.
«Жаңа банк келсе де, ол елде қалыптасатын базалық мөлшерлемеге қарайды. Ол экономикадағы ақшаның құнына назар аударады. Шетелдік банк келіп, ресурстарды әртүрлі мөлшерлемемен ұсына бастайды деп күту – олай болмайды. Экономикадағы ақша құны және кез келген жағдайда ол базалық мөлшерлемеге қарайды», – деді Әбілқасымова журналистердің сұрақтарына жауап бере отырып.
