Алмалы ауданының әкімі Айдар Жәкібаев хостелден шыққан өртке қатысты пікір білдірді, – деп хабарлайды Massaget.kz тілшісі.
«Қазір хостелде болған адамдардың кім екені анықталып жатыр. Бірақ біздің білуімізше, ол – жастар немес студенттер. Эвакуацияланғандардың ішінде Үндістан немесе Пәкістан азаматтары бар екенін көрдік. Қажет шаралар қабылданып жатыр. 45 адам екі хостелге эвакуацияланды. Тамақ, қажет заттар берілді», – дейді аудан әкімі.
Еске салайық, бүгін Алматыда хостелде өрт шығып, 13 адам қаза тапқан болатын.
Кейінірек Алматыдағы хостелден шыққан өрт салдарынан үш адам ауруханаға түскені белгілі болды.
«2023 жылғы 30 қарашада Әди Шәріпов көшесіндегі өрттен зардап шеккен үш адам сағат 08:40-қа дейін жедел медициналық жәрдем ауруханасына жеткізілді», – делінген хабарламада.
