Алматылықтар Қытайда болған жер сілкінісін сезінді, – деп хабарлайды Massaget.kz тілшісі.
ҚР ТЖМ «СОМЭ» ЖШС сейсмикалық станциялар желісінде 19 желтоқсанда Астана уақыты бойынша сағат 07:44-те жер сілкінісі тіркелді.
«Жер сілкінісінің эпицентрі Алматыдан оңтүстікке қарай 347 шақырым жерде Қытай аумағында орналасқан. Жер сілкінісінің энергетикалық класы – 12,6, магнитудасы MPV – 6,0», – делінген хабарламада.
Алматыда 2 балдық жер сілкінісі сезілді.
Қалалық Төтенше жағдайлар департаменті өкілдерінің мәліметінше, зақым келу туралы ақпарат түспеген.
