Сыбайлас жемқорлыққа қарсы қызмет былтыр қандай министрлік қызметкерлері сыбайлас жемқорлық құқық бұзушылықтары үшін жиірек ұсталғанын айтты, — деп хабарлайды Tengrinews.kz тілшісі.
Бұл туралы бүгін брифингте Антикор ұйымының ресми өкілі Арман Тілеукенов айтты.
«Министрліктер ішінде ең көп әшкереленген Ішкі істер министрлігінен — 193 адам, Төтенше жағдайлар министрлігінде — 31 адам, Қаржы министрлігінде — 25 адам және Қорғаныс министрлігінде — 17 адам анықталды», — деді Тілеукенов.
Сонымен қатар, Антикор өкілі ведомство көрсеткіштерді қумайтынын айтты.
«Біз бұл статистиканы тек ішкі талдау үшін жүргіземіз», — деп қосты ол.
