Елімізде жыл сайын дәстүрлі түрде Президент шыршасы өтеді. Астанада ғана емес еліміздің барлық облыс орталықтарында өтетін шараға аз қамтылған және көпбалалы отбасылардан шыққан, оқуда және спортта жетістігі бар оқушылар қатысады.
Еліміздегі балалар үшін Президент шыршасының маңызы зор! Өйткені бұл балаларды ғажайыпқа сендіретін, өзіне деген сенімін арттырып, туған еліне патриоттығын күшейтетін шара.
Биылғы өткен Президент шыршасына еліміздің бір топ ұлт жанашырлары да қайырымдылық қолын созып, өз қалтасынан қаражат бөлді. Солардың бірқатарын атап өтсек, қате болмас.
Мәселен психолог-психология магистрі, кәсіпкер, Ел Жанашыры «Алтын Алқа» иегері, көп балалы ана, «Шапағат» медицина саласының үздігі медальдарымен Президенттің Алғыс хатымен, «Намыс» төс белгісімен марапатталған Аширбекова Данна Кыздарбековнаны атап өтуге болады. Ол осыған дейін де осындай қайырымдылық шараларына ат салысқаны үшін «Алтын Жүрек» номинациясымен марапатталған болатын.
Тағы бір алтын жүректі азаматтарымыз Мұнайшы, жеке кәсіпкер, Б.Момышұлының «Батыр шапағаты» атты медалінің, ҚР Президентінің Алғыс хатының иегері Қаспақбаев Ғалымжан Қоянбайұлы,
Слипер-регрессолог, Ел жанашыры, Қоғам қайраткері Төлепов Нұрлыбек Маратұлы,
«Алтын Адам – 2023» номинациясының, «Қазақ ұлттық аграрлық университетіне 90 жыл» төсбелгісінің, ҚР Президентінің алғыс хатының иегері, Ел жанашыры Қалиева Шолпан Қасымханқызы
мен кәсіпкер, Бауыржан Момышұлы атындағы “Батыр Шапағаты” медалінің иегері Байтұрсынова Айман Қабылбекқызын атауға болады.
Қасым-Жомарт Тоқаев волонтерлік қызметті дамыту, қайырымдылық пен меценаттыққа қолдау көрсету мемлекетіміздің ұзақ мерзімді басымдығы деп санайды. Волонтерлік іспен айналысу – патриотизмнің жарқын көріністерінің бірі болса, елімізде патриот азаматтардың көптігін аңғарамыз. Еліміздегі қайырымдылық және волонтерлік жобалар – соның дәлелі.
Расында да елімізде қайырымдылық жасауға ынталы жүрегі ізгілікке толы жандар жетерлік. Әсіресе жекелеген азаматтардың өз ниетімен қайырымдылық жасауға ұмтылуы ерекше қуантады. Сондықтан Президент шыршасында балаларды қуантқан қайырымды азаматтардың әрекеті қашан да дәріптеуге тұрарлық! Ел ішінде болып жатқан шаралардан сырт қалмай әрқашан сергектік танытатын алтын жүректі азаматтарымыз көбейе бергей!
