Ет одағында етке байланысты түсініксіз жағдай туындағанын айтады. Азық-түліктің қымбаттығына байланысты фермерлер қазір ет сатуға мәжбүр, бірақ базарларда сиыр етінің құны қымбаттамаса, төмендемеген. Оспан Үкібаев өзінің ондаған қойымен не істерін білмей дал. Оның айтуынша, малды тамақтандыру қиындап барады, жем-шөптің бағасы қымбат. Пішеннің бір орамын мың теңгеге сатып алса, қазір оның бағасы екі мың теңге. Ал малды сату да тиімсіз болып қалған, деп хабарлайды Stan.kz ақпарат агентігі.
“Жануарларды тамақтандыратын түк қалмады. Мұндай арық малды ешкім сатып та алмайды. Менің зейнетақым бар, ал енді тек малмен күн көріп отырғандар қайтпек?”, – дейді Оспан Үкібаев.
Көп шаруа қыс келе жатқандықтан малын жаппай сатып жатыр. Сондықтан еттің бағасы түскен. Бірақ сатып алушылар үшін керісінше қымбаттаған.
“Фермер шығынға ұшырайды, шамамен 1500-1600 теңгеге ет сатады. Сиырлардың көбі сойылуға кетіп жатыр. Бағасы 1 100 теңгеге дейін түскен. Тұтынушылар бағаның осындай болып тұрғанын көріп отырған жоқ, бұл баға сатып алушыларда қалады”, – дейді Қазақстан ет одағының атқарушы директоры Асқар Жұбатыров.
Бөлшек сауда үшін сиыр етінің бір келісі үшін орта есеппен 2 600-2 800 теңге. Жаңа жылдық мерекелерде баға әдетте көтеріледі, бірақ қатты көтерілмейді.
Сарапшы 2022 жылдың жазының соңына қарай сиыр етінің бір келісі үшін баға үш жарым мың теңге болады деп болжап отыр. Бұл жағдайдан шығудың мынадай жолы бар: салқындатылған ет бұрын Қытайға экспортталған, бірақ бір жылдан бері Аспан асты елінің нарығы қазақстандық фермерлер үшін жабық болып отыр.
Сарапшылардың айтуынша, жағдайға Интеграция және сауда министрлігі, сондай-ақ, ауыл шаруашылығы министрлігі араласуы керек. Әйтпесе, шаруалар бұл қарқынмен құрдымға кетеді. Сиыр мен қойды сыртқы нарыққа тірідей сату әлдеқайда тиімді. Бірақ бұған тек ірі фермалар ғана қол жеткізе алады, шағын кәсіпкерлер ақша жоғалтуды жалғастыруда.
