Бұл туралы Tengrinews.kz хабарлады.
МКК хабарлағандай, екінші деңгейдегі банктерден барлық жеке тұлғалар туралы мәліметтерді тек 2025 жылдан бастап алу болжанып отыр.
Аударымдардың санын анықтау критерийлері банк секторымен бірлесіп әзірленеді.
«Болжамды критерийлер – бір адамның үш ай қатарынан 80-100 тұлғадан көптеген аударымдар алуы. Өлшемдерді бекіту жөніндегі нормативтік құқықтық актінің жобасы «Ашық НҚА» порталында орналастырылады және жария талқылау үшін қолжетімді болады», – деп хабарлады Мемлекеттік кірістер комитеті Tengrinews.kz сайтына берген жауапта.
Жосықсыз кәсіпкерлерді анықтау үшін банктер тарапынан дәлелдемелік ақпарат жиналады деген болжам бар.
«Мәселен, бөлшек сауда объектісінің кассасында аударымдарды қабылдау және телефон нөмірін көрсеткен ақпараттың болуы, тұтынушылардан сатушының ақша аударымын алғаны туралы шағымдарының болуы және фискалдық чектің берілмеуі, ұзақ уақыт бойы кассалық тәртіптің төмендеуі, мемлекеттік кірістердің белгіленген ережелерді сақтау бойынша уәкілетті органдардың талаптары мен ұсыныстарын қайта-қайта елемеу және т.б.», – деп тізілген комитетте.
Салық кодексінің қолданыстағы нормаларына сәйкес қолма-қол ақшамен есеп айырысу – тауарды сатып алу, жұмысты орындау, қызмет көрсету үшін қолма-қол ақша арқылы жүзеге асырылатын есеп айырысулар және төлем карточкаларын пайдалана отырып есеп айырысу.
Қателерге жол бермеу үшін мысалы, қайырымдылықтан түскен ақшаны алғандарды шатасып жазаламас үшін, банктер ереже «бұзушыны» анықтаған бойда мемлекеттік кірістер органының мамандары оған хабарлама жібереді деп жоспарланып отыр. Хабарламаны алған салық төлеушілер болжамды бұзушылық туралы жазбаша түсініктеме беруі қажет.
