Өзгеретін, өзгертетін Уақыт!

11 C
Nur-Sultan
21 C
Almaty
17.3 C
Shymkent

Құқық қорғаушы: Арон Атабек Бекболат Тілеуханның көмекшісі болған

Танымал

Ел аузында

Құқық қорғаушы Ерлан Қалиевтің айтуынша, депутат Бекболат Тілеухан сол кезде Арон Атабекті «Шаңырақ», «Әйгерім», «Бақай» ықшамаудандарының мәселелері бойынша «қоғамдық көмекші» еткен.

2006 жылғы Шаңырақ оқиғасы болмай тұрып, ақын Арон Атабек үкімет пен парламентті Алматының шетіндегі онсыз да шиеленіскен жағдайды ушықтырмауға шақырған.

Азаттық радиосының хабарлауынша, мұндай ақпаратпен құқық қорғаушы Ерлан Қалиев бөліскен.

Құқық қорғаушы Ерлан Қалиевтің айтуынша, депутат Бекболат Тілеухан сол кезде Арон Атабекті «Шаңырақ», «Әйгерім», «Бақай» ықшамаудандарының мәселелері бойынша «қоғамдық көмекші» еткен. Құқық қорғаушы қағазды көрсетті, оның пайымдауынша, Тілеухан билік өкілдеріне өзінің қоғамдық көмекшілері Арон Атабек пен Сәлім Оразалиевке «қолдан келген көмекті көрсетуді» өтінген.

Қалиев содан кейін 30-дан астам парламент депутаты сот орындаушыларына үйлерді бұзуды кейінге қалдыруды және даулы жатақханалардан шығаруды тоқтатуды сұрап хат жазғанын айтады.

Құқық қорғаушының айтуынша, егер депутаттар сотқа келген болса, процестің нәтижесі басқаша болуы мүмкін еді. Қалиев депутаттарды сотқа бермеу үшін «қорқытуға» болатын еді деп болжайды.

Еске салсақ, Арон Атабек колониядан шыққанына екі ай өтпей жатып, 24 қарашада ауруханада қайтыс болды.

Атабек «Шаңырақ ісі» бойынша сотталды. 2006 жылы Алматы іргесіндегі «Шаңырақ» ықшамауданының тұрғындары үйлерін бұзбақ болған полицияға қарсылық көрсеткен. Сот шешімі бойынша тұрғын үйлер заңсыз салынған. Қақтығыста 24 жастағы полицейді жанармай құйып, өртеп жіберген. Куәгерлердің айтуынша, полицейге көмекке бірінші болып Арон Атабек жеткеніне қарамастан, Атабек пен тағы үш адам осы өлімге қатысты айыпталған. Ақын 18 жылға бас бостандығынан айырылды. Ол 15 жыл темір тордың ар жағында отырып, денсаулығына байланысты 2021 жылдың қазан айында босатылған.

Халықаралық ұйымдар мен құқық қорғаушылар Атабекті саяси себептермен сотталғандар қатарына жатқызады.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

ЖЕТІСУДА СТИХИЯЛЫҚ ҚОҚЫС ОРЫНДАРЫ ТАЗАРТЫЛУДА

Республикалық «Таза Қазақстан» экологиялық акциясы аясында Талдықорған қаласы маңындағы стихиялық қоқыс орындары тазартылды. Елімізде стихиялық қоқыс орындары мен көлемі спутниктің...