Өзгеретін, өзгертетін Уақыт!

11 C
Nur-Sultan
13 C
Almaty
16.3 C
Shymkent

Тоқаев өлім жазасынан бас тарту туралы заңға қол қойды

Танымал

Ел аузында

Мемлекет басшысы Қасым-Жомарт Тоқаев өлім жазасын алып тастау туралы түзетулерге қол қойды, деп хабарлайды Stan.kz ақпарат агенттігі.

«Мемлекет басшысы «Қазақстан Республикасының кейбір заңнамалық актілеріне өлім жазасын жою мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды», – делінген хабарламада. 2003 жылдан бастап Қазақстанда өлім жазасына мораторий енгізілген болатын. Содан бері жасалған қылмыстар үшін өлім жазасы тағайындалмаған еді. 

2 қаңтарда Мемлекет басшысы Қасым-Жомарт Тоқаев «Азаматтық және саяси құқықтар туралы халықаралық пактіге өлім жазасын жоюға бағытталған екінші факультативтік хаттаманы ратификациялау туралы» заңға қол қойды. Осылайша Қазақстан өлім жазасынан толық бас тартты.

Мәжіліс өлім жазасын алып тастау туралы заң жобасын мақұлдады, бірақ кейбір ескертпелер бар. Ескертпеге сәйкес, Қазақстан соғыс уақытында өлім жазасын қолдану құқығын өзіне қалдырады. Дегенмен, Президент бұл норманы айыптап, заң жобасын ешбір ескертусіз қабылдау қажеттігін мәлімдеді. 23 желтоқсанда сенаторлар Қазақстанда өлім жазасын толығымен алып тастау туралы заң қабылдады.

«Осы заңды қабылдау арқылы Қазақстан өлім жазасына заң жүзінде тыйым салынған елдердің қатарына қосылды. Сонымен қатар, еліміз өлім жазасын толық жоюға бағытталған халықаралық қозғалысты қолдайтынын дәлелдеп отыр», – деді сенат төрағасы Мәулен Әшімбаев.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

«Таза Қазақстан» акциясы Ақмола облысының Атбасар қаласында жалғасуда

Атбасардағы "Таза Қазақстан" экологиялық акциясына екі мыңнан астам адам, оның ішінде қала және аудан тұрғындары, қаланың барлық ұйымдары мен...