Байғабылов омикрон штамын жұқтыру дерегі артқанын және Алматы «қызыл» аймаққа өткенін айтты. Қаулыға сәйкес, қалада карантин шаралары бес күн ішінде қатаңдатылады, бірақ бұдан ерте де болуы мүмкін.
«Әрине, бұл Алматы қаласындағы кейінгі оқиғаларға байланысты кәсіпкерлер мен тұрғындарға қосымша жүктеме болады. Бірақ коронавирус «ешқайда кеткен жоқ», вакцина алмаған халыққа белсенді түрде әсер етеді», – деді Байғабылов.
Жоспарлы карантин шараларын енгізетін күн туралы қосымша хабарланатыны айтылды.
Бұған дейін Қазақстан өңірлеріндегі эпидемиологиялық ахуалды бағалау матрицасы жарияланғаны хабарланды. Матрицаға сәйкес «қызыл» аймаққа Алматы қаласы және Атырау облысы өтті.
