Қазгидромет синоптиктері Қазақстанда 13-15 қаңтар аралығында болатын ауа райына болжам жариялады, деп хабарлайды Stan.kz ақпарат агенттігі.
Кезекті антициклон Қазақстан аумағынан кетіп, аязды да ығыстырып жатыр.
Батыстағы циклон жылдам жылжып келеді. Ол 15 қаңтарда Қазақстанның барлық облысын қамтып, елге жауын мен қар, екпінді жел және көктайғақ алып келеді.
Термометр көрсеткіші жоғары көтеріледі. Тіпті солтүстік өңірлерде де күндізгі уақытта ауа температурасы 0 және минус 5 градус аралығында болады деп күтілуде.
