Өзгеретін, өзгертетін Уақыт!

12 C
Nur-Sultan
12 C
Almaty
20.3 C
Shymkent

Еліміздің басым бөлігінде ауа райына байланысты ескерту жарияланды

Қазақстанның тоғыз өңірінде боран, тұман және көктайғақ күтіледі, деп хабарлайды Stan.kz ақпарат агенттігі Қазгидрометке сілтеме жасап.

Танымал

Ел аузында

31 қаңтарда Қостанай облысының оңтүстігінде боран соғады. Облыстың батысы мен солтүстігінде тұман түседі. Оңтүстіктен, оңтүстік-батыстан,  секундына 15-20 метр жылдамдықпен жел соғады.

Түнде Ақтөбе облысының солтүстігінде боран болады. Облыстың солтүстігі мен солтүстік-шығысында тұман мен көктайғақ күтіледі. Оңтүстік-батыстан, оңтүстіктен жел соғады, түнде облыстың солтүстігінде екпіні секундына 18 метрге жетеді.

Атырау облысының батысында, солтүстігінде және орталығында тұман, көктайғақ болжануда.

Маңғыстау облысының солтүстігінде, оңтүстігінде көктайғақ, ал солтүстік-батысында тұман күтіледі.

Ақмола облысының солтүстігінде, шығысында боран соғады. Облыстың солтүстігінде, шығысында оңтүстік-батыстан жел соғады, екпіні – секундына 15-20 метр.

Батыс Қазақстан облысының оңтүстігінде тұман түседі. Оңтүстік-батыстан, оңтүстіктен, солтүстіктен, солтүстік-шығыстан соққан желдің екпіні секундына 15-20 метрге жетпек.

Қызылорда облысының солтүстігінде тұман түседі.

31 қаңтар – 1 ақпан аралығында Түркістан облысының оңтүстігінде, батысында және таулы аймақтарында тұман түседі.

Солтүстік Қазақстан облысының басым бөлігінде қар жауады. Облыстың батысында боран күтілуде. Оңтүстік-батыстан жел соғады, күндіз облыстың батысында екпіні секундына 15-20 метр болады.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Алматылықтар жер сілкінісін сезді

Алматылықтар жер сілкінісін сезді, - деп хабарлайды Massaget.kz тілшісі. ҚР ТЖМ "Сейсмологиялык зерттеу институты" ЖШС сейсмикалық станциялар желісі 20 мамырда Алматы уақытымен...