Қасым-Жомарт Тоқаев барлық әкімге бюджеттік дербестік қажет екенін айтты, – деп хабарлайды Tengrinews.kz тілшісі.
«Барлық әкімнің бюджеттік дербестігін одан әрі арттыру қажет екенін айтқым келеді. Аймақтардың 82 пайызы субсидиялануы дұрыс емес. Бұл – әдіснамамыздың, бюджетаралық қатынастың ерекшелігі. Әкімдер жалпы трансферттер мен мақсатты трансферттер сұрап, министрліктердің табалдырығын тоздырады», – деді Тоқаев Үкіметтің кеңейтілген отырысында.
Оның айтуынша, орта деңгейдегі шығындар «жергілікті бюджеттерге аударайық, ал әкімдер оны өздері шешсін» деген жолмен шешіледі. Президент қазір олай жұмыс істеуге болмайтынын айтты. https://yandex.ru/poll/video/RKvn8UnFad5KDc6MjLdxJS?from_direct=1&_theme_=video&bl_adg=ctrl&hlid=439219380944435904РЕКЛАМА
Сондай-ақ, Тоқаевтың айтуынша, «ресми ережелер мен рәсімдерді дұрыс орындамау нәтижеге әсер етеді».
«Ұзақ уақыт бойы қажет тапсырмалар берілді. Сарапшылар ұсыныстар әзірлеп жатыр. Бірақ бәрі бюрократиялық батпаққа батып жатыр. Бюджетті жоспарлаудың реформасы ешқашан болған жоқ. Мұны қалай түсінуге болады? Жаңа жолмен жұмыс істей алмау немесе министрліктер мен әкімдіктерге әсер ету жолдарын жоғалтып алудан қорқу ма? Сондықтан цифрландыру бағытында дұрыс шешім қабылдауға бір ай уақыт беремін, цифрландыру бағытында екенін тағы бір айтқым келеді. Бұл жерде оң нәтижеге үміт аз. Қорытындысы бойынша Үкімет пен әкімшілікке есеп беріңіздер», – деді Қасым-Жомарт Тоқаев.
