Әлемге танымал қазақстандық әнші Димаш Құдайберген Еуропада концерт береді. Әншінің кезекті ән кеші Чехия астанасы Прага қаласына жоспарланған, деп хабарлайды Stan.kz ақпарат агенттігі.
Концерт 2022 жылдың 16 сәуірінде «Типспорт Арена» кешенінде өтеді. Қуанышты хабарды Димаштың өзі хабарлап, тыңдармандарын музыкалық кештің куәсі болуға шақырды.
«Концерт Чехияның ең әдемі әрі ең үлкен ареналарының бірі – «Типспорт Аренада» болады. Көптен күткен алдағы кездесуімізді тағатсыздана күтемін. Махаббатпен, Димаш», – деді Құдайберген.
Айта кетейік, Димаштың жеке кеші наурыз айының 25-де Дубайда, сәуірдің 2-де Беларусьте өтеді.
