Өзгеретін, өзгертетін Уақыт!

17 C
Nur-Sultan
20 C
Almaty
20.3 C
Shymkent

Украина аумағында 36 қазақстандық көлік жүргізуші қалды

Танымал

Ел аузында

Украина аумағында жүк көлігімен алысқа қатынайтын 36 қазақстандық көлік жүргізуші қалды, 19-ы елден шығып кетті.Бұл туралы «Атамекен» кәсіпкерлер палатасы хабарлады.

Ұлттық палата Украинадағы жағдайдың салдарынан сол елде қалып қойған көлік жүргізушілерінен мәлімет жинады. Осы уақытқа дейін 55 жүргізуші көмек сұрап хабарласты. Соның 19-ына көмек көрсетілді.Үшеуі Польша шекарасынан өтсе, 8 жүргізуші Троебортное өткізу бекеті арқылы Ресей аумағына жетті. Тағы 8 жүк көлігі Молдавияға өтті, соның ішінде 4 жүргізуші – Түркия азаматы. Олар Украина және Молдавия шекарасы арасындағы бейтарап аймақта тұр.»Қазіргі кезде қазақстандық тарап Польшаның инфрақұрылым және даму министрлігінен ресми хат алды. Бізге ресми жауап берілді және отандастарымыз – жүк көліктерінің жүргізушілеріне ПТР-тест, визасыз шекарадан өтуге мүмкіндік берілді. Қалған отандастарымыз да Польша және басқа елдер арқылы елге аман-есен оралуы үшін бұл жұмысты жалғастырамыз», – деді «Атамекен» ҰКП Логистика және тасымалдау департаментінің директоры Мұрат Амрин.

Ұлттық палата Украинадағы жағдайға байланысты жедел чат ашып, онда жүргізушілер 24/7 режимде өзінің орналасқан жері, жергілікті жағдай және ықтимал маршруттар туралы ақпарат беріп жатыр.Қазіргі кезде 36 көлік жүргізуші Украина аумағында қалып отыр.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Ұлытау облысында 4,1 млрд теңгеге қаржылық бұзушылықтар анықталды

Ұлытау облысында жүргізілген мемлекеттік аудит нәтижесінде 4,1 млрд теңгеге қаржылық бұзушылықтар анықталды, - деп хабарлайды Massaget.kz тілшісі Жоғары аудиторлық палатаға сілтеме...