Өзгеретін, өзгертетін Уақыт!

18 C
Nur-Sultan
20 C
Almaty
24.3 C
Shymkent

Ресейлік кәсіпкер Путинді өлтірген адамға миллион доллар сыйақы жариялады

Танымал

Ел аузында

Ресейлік кәсіпкер Ресейдің Украинаға басып кіргеніне Владимир Путинді кінәлай отыра, оның басын әкелген адамға миллион доллар сыйақы жариялады. Ол ақшаны тұтқындаған немесе көзін жойған адам алатынын айтып өтті, деп хабарлайды Stan.kz ақпарат агенттігі. 

Бұл туралы ресейлік кәсіпкер Александр Конаныхин өзінің Facebook парақшасында жазды.

55 жастағы кәсіпкер «өзінің конституциялық міндетін орындай отырып, Путинді Ресей және халықаралық заңдарға сәйкес әскери қылмыскер ретінде тұтқындайтын офицерге немесе офицерлерге» осындай қомақты ақша уәде етеді.

«Путин Ресей президенті емес, өйткені ол Ресейдегі тұрғын үйлерді бұзу жөніндегі арнайы операцияның нәтижесінде билікке келді, содан кейін еркін сайлаудан бас тартып, қарсыластарын өлтіру арқылы Конституцияны бұзды», – деп жазды ол.

Ол өзін этникалық орыс және Ресей азаматы деп атап, Ресейдегі нацизмді, фашизмнің қалдығын құртуға ықпал етуді моральдық міндетім деп санайтынын жеткізді.

“Мен Украинаға оның Путин ордасының қысымына қарсы ерлік әрекеттеріне көмектесуді жалғастырамын», – деп толықтырды Конаныхин.

Бастапқыда бизнесмен желіге Путиннің суретін салып, оған «Владимир Путин бұқаралық қылмыс жасағаны үшін тірі немесе өлі қалпында іздестірілуде» деген сөздер жазылған.

Алайда, Facebook бұл суретті әдепсіз деп тауып, кәсіпкер оны алып тастаған.

Айта кетейік, Конаныхин посткеңестік Ресейдің алғашқы банкирлерінің бірі.1996 жылы бизнесмен Ресей билігінің айыпталуымен америкалық түрмеге қамалған.

Бір жылдан кейін ол ақталып, босатылды, ал біраз уақыттан кейін Конаныхинге саяси баспана берілді. 

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Құрбан айтта Алматыда мал соятын арнайы орындар анықталды

Қасиетті Құрбан айт биыл 16 маусымда басталады. Алматыда санитариялық талаптар сақталуы үшін мал сату мен союға, таратуға арналған 14...