Өзгеретін, өзгертетін Уақыт!

13 C
Nur-Sultan
23 C
Almaty
20.3 C
Shymkent

ArtSport: Бұдан былай балалар қатарынан бірнеше үйірмеге қатыса алмайды

Танымал

Ел аузында

Елімізде ArtSport бағдарламасының жұмысы тоқтамайды. Бұл туралы Орталық коммуникациялар қызметінде өткен брифингте ҚР Мәдениет және спорт министрі Дәурен Абаев мәлімдеді, деп хабарлайды Ulysmedia.kz.

Абаевтың сөзінше, бағдарлама жүйелі түрде жұмыс істеуі үшін 97 млрд теңге қажет.

Бүгінгі әңгіме шығармашылық үйірмелер мен спорт секцияларын жан басына шаққандағы қаржыландыру жүйесінің әрі қарайғы жұмысына қатысты. Бүгінде 495 мың бала 15 мың үйірме мен секцияға барады. Оған 32 миллиард теңгеден аса қаражат бөлінді. Жыл соңына дейін қосымша 97 млрд теңге қажет. Айтылатын сын мен қойылатын сұрақтардың алдында бір ғана дүниені айтқым келеді: «Артспорт» – бұқаралық спортты дамытудың жалғыз механизмі емес, – деді министр.

Сондай-ақ, ол спорт секциялары мен шығармашылық үйірмелерінің бағасы қайта қаралатынын атап өтті.

«Бұл қадам бағдарламаның ауқымын кеңейтеді. Екінші – мемлекеттік спорттық, шығармашылық және қосымша білім алу тапсырыстарының аясында спорт секциялары мен шығармашылық үйірмелеріне бір ғана өтініш беру қағидасы енгізіледі», – деді Абаев.

Министрдің айтуынша, қазір бір бала қатарынан бірнеше секцияға шығармашылық үйірмеге баруы мүмкін. 

«Көпшілікті қамту мақсатында біз тек бір секцияны ғана ұсынамыз», – деді ведомство басшысы.

Айта кетейік, бұған дейін Art Sport бағдарламасы аясында әр бала бір спорттық және бір шығармашылық үйірмеге тегін қатыса алатын. Енді бұл мүмкіндік шектелмек.Достарыңмен бөліс

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

«Мажарстан исламдық сәулет өнерінің мұрасы»

2024 ж. 13 қыркүйек күні Қазақстан Республикасы Мемлекеттік орталық музейі және Мажарстанның Бас Консулдығы бірлесіп «Мажарстан исламдық сәулет...