Cиноптиктер 18-20 қаңтарда Қазақстанда қандай ауа райы күтілетінін айтты, деп хабарлайды Stan.kz ақпарат агенттігі.
Қазгидрометте Қара теңіз аудандарынан келетін Батыс антициклоны республиканың ауа райына әсер етеді деп мәлімдеді.
“Осы ретте республиканың солтүстігінде жауын-шашынның тоқтап, аяз келеді. Мурманск аудандарынан Қазақстанның батысына қарай циклон жылжуда, ол жерде жаңбыр, қар, екпінді жел мен көктайғақ құбылыстарының туындауына әкеледі”, – деді Қазгидрометте.
Солтүстік-батыс, солтүстік аймақтардағы термометрлер түнде -10-мен -25°C градусқа дейін, батыста -5-тен -15°C, оңтүстікте 0 градустан -15°C градусқа дейінгі көрсеткіштерді көрсетеді.
