26 наурызда Петропалдағы ЖЭО-2-де тағы бір апат болды. Қазір орталықта 2 қазандық пен 2 турбина жұмыс істеп тұр, деп хабарлайды Stan.kz ақпарат агенттігі «Хабар 24» арнасына сілтеме жасап.
Қалалық ситуациялық орталық мәліметінше, су температурасы 40 градусқа тең. Ыстық су дұрыс жеткізілмегендіктен, пәтерлерде жылу құбырлары салқындай бастаған.
«СевҚазЭнерго» компаниясында апаттың болғанын растап, жөндеу жұмыстары жүріп жатқанын хабарлады. Жылудың қашан берілетіні әзірге белгісіз.
Айта кетейік, 20 наурызда Петропавлдағы ЖЭО-2-де ірі апат болған еді. Мұнда 150 метрлік жылу құбыры құлаған болатын.
