Өзгеретін, өзгертетін Уақыт!

11 C
Nur-Sultan
21 C
Almaty
17.3 C
Shymkent

Қазақстанның Қызыл кітабына тағы қандай жаңа жануарлар енді?

Танымал

Ел аузында

Қазақстанның Қызыл кітабы жыл сайын жаңарып жатыр. Экология, геология және табиғи ресурстар министрлігіне қарасты Орман шаруашылығы жəне жануарлар дүниесі комитетінің бас сарапшысы Олжабек Холов елімізде сирек кездесетін жануарларға ерекше күтім керек екенін айтты. Tengrinews.kz тілшісі министрлікке сауал жолдап, мәселенің мән-жайын сұрады.  

Маманның айтуынша, Қазақстан аумағында сирек кездесетін жануарлардың 44 түріне қауіп төніп тұр. 

«Өсімдіктер мен жануарлардың сирек кездесетiн және құрып кету қаупi төнген түрлерiнiң тiзбесiн бекiту туралы» Қазақстан Республикасы Үкіметінің 2006 жылғы 31 қазандағы № 1034 Қаулысына сәйкес, сирек кездесетін және құрып кету қауіпі төнген жануарлардың тізіміне 44 түрі енгізілген», – дейді ол.

Жануарлар дүниесін қорғау, өсімін молайту бойынша шараларды жүзеге асыру Орман шаруашылығы және жануарлар дүниесі комитетіне жүктелген.

«Қазіргі таңда қорғау жұмыстарын Комитеттің бағынысындағы облыстық аумақтық инспекциялар, «Охотзоопром ӨБ» арнайы мамандандырылған кәсіпорны және аңшылық шаруашылығы субъектілері жүзеге асырып жатыр. Бұлардың әрқайсы сирек кездесетін және құрып кету қауіпі төнген жануарлардың ісін жан-жақты зерттеумен айналысады. Министрліктің тапсырмасына сәйкес тиісті шаралар қабылданды», – деді Олжабек Холов.   

Сонымен қатар, ол былтыр Қызыл кітапқа енген жануарларды атады. 

«2021 жылы Қазақстанда бұрын мекендеген және құрып кеткендер тізіміне тұран жолбарысыпржевал жылқысы және алдыңғы азиялық леопард (преднеазиатский леопард) жануарлары енгізілді, яғни олар бұрын Қазақстан аумағында мекендеген кізіргі кезде олар жойылып кеткен болып есептеледі. Бүкіл әлемде алдыңғы азиялық леопардтың жалпы саны 870-1,3 мың басты құрайды, Қазақстанда ол тек Үстірт мемлекеттік табиғи қорығында кездеседі. Пржевал жылқысы жабайы жылқылардың кіші түріне жатады, жылқы класының сирек кездесетін өкілдерінің бірі, Қазақстанда 10 шақтысы бар», – дейді сарапшы.

Жоғарыда – алдыңғы азиялық леопард, төменде – тұран жолбарысы

Олжабек Холов қазақстандықтарды қоршаған ортаға ерекше көңіл бөлуге шақырып, Қызыл кітаптағы өсімдіктер мен жануарлармен танысып шығуға кеңес берді. 

Еске салайық, бүгінде Қазақстанның Қызыл кітабына өсімдіктердің 400 түрі мен омыртқалы жануарлардың 133 түрі енген.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

ЖЕТІСУДА СТИХИЯЛЫҚ ҚОҚЫС ОРЫНДАРЫ ТАЗАРТЫЛУДА

Республикалық «Таза Қазақстан» экологиялық акциясы аясында Талдықорған қаласы маңындағы стихиялық қоқыс орындары тазартылды. Елімізде стихиялық қоқыс орындары мен көлемі спутниктің...