Өзгеретін, өзгертетін Уақыт!

-25 C
Nur-Sultan
-15.1 C
Almaty
-5.7 C
Shymkent

Түркістан облысында барлық зардап шеккендерге көмек көрсетіледі

Танымал

Ел аузында

Түркістан облысында тасқын судан зардап шеккендерге көмек көрсетіледі. Қазіргі таңда табиғи апаттан келген шығынды есептеу үшін арнайы комиссия құрылған, деп хабарлайды Stan.kz ақпарат агенттігі. 

2022 жылғы 24 сәуірде Түркістан облысы Қазығұрт, Сарыағаш аудандарында жауын-шашын мен Кентау қаласында қатты жел болып, табиғи апат орын алды.

Құтқару жұмыстарына облыстық төтенше жағдайлар департаментінің және жергілікті атқарушы органдардың 100-ден аса қызметкері жұмылдырылды. Олар 15 бірлік техника, 13 мотопомпа күштерімен суды сору және арықтарды тазалау жұмыстарын жүргізді.

Табиғи апат салдарынан 50 адам қауіпсіз аймаққа көшірілді. Зардап шеккендер жоқ. Алдын ала есеппен, 53 үйдің ауласына, 19 үйге, 1 мейрамхана мен 16 ғимаратқа су кіргені анықталды. Сонымен қатар, 370 бас мал шығыны орын алды. 

Орын алған жағдайға байланысты, ҚР Президенті Қ.Тоқаевтың тапсырмасына сәйкес, облыс әкімінің төрағалығымен арнайы комиссия құрылды. Облыстық бюджеттің резервтік қорынан қаржы қаралып, келесідей көмек көрсетілетін болады: 

1. Үй жануарларының шығынына ережеге сәйкес өтемақы төленеді;

2. Тұрғын үйлер қайта қалпына келтіріледі;

3. Ғимараттар мен тұрғын үйлердің шатыры қалпына келтіріледі;

4. Шаруашылық ғимараттарды қалпына келтіруге көмек көрсетіледі.

Қазіргі таңда, комиссия тарапынан орын алған шығындар көлемі есептелуде. Барлық зардап шеккендерге толық көмек көрсетіледі.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Қазақстандықтар туралы тыңшылық деректердің тарауы: БЖЗҚ мәлімдеме жасады

Бірыңғай жинақтаушы зейнетақы қоры (БЖЗҚ) бұған дейін қордың дерекқорынан қазақстандықтардың жеке деректері шыққаны туралы ақпаратқа пікір берді, - деп...