Нұр-Сұлтандағы «БЖЗҚ» АҚ филиалының директоры Мұрат Шәріпов қазақстандықтар зейнетақы жинақтарын қайда жұмсайтынын айтты, – деп хабарлайды Tengrinews.kz тілшісі.
Тұрғын үйге және емделуге
Мұрат Шәріповтің мәліметінше, қазақстандықтар тұрғын үй жағдайын жақсартуға және емделуге 2,5 миллионнан астам өтініш берген. Оның айтуынша, 2022 жылдың 1 сәуіріне (2021 жылдың қаңтарынан бастап) тұрғын үй жағдайын жақсартуға және емделуге жалпы 3,4 триллион теңгелік 1 698 735 өтініш қабылданған.
«»Уәкілетті оператор банктерде ашылған Қазақстандықтардың арнайы шоттарына 3,1 триллионнан аса теңге аударды. Бір жолғы зейнетақы төлемдерінің орташа сомасы шамамен 2,4 миллион теңге», – деді ол.
Сондай-ақ, филиал директоры БЖЗҚ -ға 293,5 миллиард теңгеге, яғни емделуге 380 996 өтініш орындағанын айтты.
«Емделуге берілген өтініштердің едәуір бөлігі стоматологиялық қызметтерге бағытталды, бұл 365 751 өтініш (емделуге берілген өтініштердің жалпы санының 96,0 пайызы) 284,5 миллиард теңге сомасында. Бұдан әрі офтальмологиялық қызметтер көрсетіледі, бұл 5,1 миллиард теңгеге 10 844 өтініш және орфандық ауруларды емдеу – 1,1 миллиард теңгеге 1 251 өтініш», – деп толықтырды Мұрат Шәріпов.
Бас тарту себептері
Шәріповтың айтуынша, түрлі себептермен БЖЗҚ-ға тұрғын үй жағдайын жақсартуға алынған 422 миллиард теңгеден аса және емделуге аударылған 26,9 миллиард теңге қайтарылған. Сонымен қатар, 966 мың өтініш (тұрғын үй және емдеу бойынша) қабылданбаған.
«Бас тартудың негізгі себебі – өтініште көрсетілген сома зейнетақы жинақтарынан алуға болатын сомадан көп. Тағы бір себебі – БЖЗҚ-да жеке басты куәландыратын құжаттардың жарамсыздығы туралы мәліметтер бар және қайталап өтініш берген салымшыларға берілмеді», – деп түсіндірді ол.
Мұрат Шәріпов наурыз айында БЖЗҚ 407,1 миллиард теңге сомаға тұрғын үй жағдайын жақсарту үшін зейнетақы жинақтарын пайдалануға 442 686 өтініш орындалғанын қосты. 2022 жылдың наурызы орындалған өтініштердің саны бойынша рекордтық деңгейге жеткен.
«Өтініштердің ең аз саны 2021 жылдың қазан айында тіркелген – 87,8 миллиард теңге сомаға 35 434 өтініш. Емдеуге алу бойынша 2022 жылғы наурыз да ЖБЕК төлеу бойынша ең белсенді ай болды: орындалған өтініштердің саны – 114,9 миллиард теңге сомасына 179 406. Ең аз өтініш қабылданған 2021 жылдың ақпан айы – 0,8 миллиард теңге сомасына 700 өтініш», – деп қосты ол.
