Өзгеретін, өзгертетін Уақыт!

21 C
Nur-Sultan
23 C
Almaty
24.3 C
Shymkent

Талдықорғанда депутаттың жүргізушісі көлігіне жалған нөмір тағып алып жүргені анықталды

Танымал

Ел аузында

Алматы облысы мәслихатының хатшысы Дәулет Жарасбаевтың жүргізушісі көлігіне жалған нөмір тағып алғаны анықталды. Бұл туралы журналист Сандуғаш Дүйсенова мәлімдеді. Халық қалаулысының жүргізушісі көлігіне 702 YEZ 2 жалған нөмірін тағып, Талдықорған қаласында жүрген, деп хабарлайды Stan.kz ақпарат агенттігі.

Депутаттың жол қозғалысы ережесін бұзғанын білген жергілікті белсенді оқиғаны бірден видеоға жазып алған. Дүйсенованың айтуынша, ол Жарасбаевтың қылмысын әшкерелеу үшін күні бойы соңынан жүрген.

«Мен әсіресе көлік жүргізушісінің полицияға KIA KH009VV05 автокөлігінің «Техникалық құралдарды тіркеу туралы куәліктің телнұсқасын» көрсеткенде таң қалдым. Құжат ҚР ішкі істер министрлігінің 2000 жылғы 24 тамыздағы № 463 бұйрығы негізінде жазылған. Біздің полицейлер мұның жалған құжат екенін түсінбейтіндей, шенеуніктерден соншалықты қорқа ма?», – дейді Сандуғаш Дүйсенова.

Алматы облысының полиция департаменті тексеру нәтижесі туралы айтты.

«KIA автокөлігіне жалған мемлекеттік нөмір қолдану фактісі расталды. Тексеріс нәтижесінде көлік шынымен де облыс әкімдігінің балансында екені белгілі болды. Қызметтік көліктің 45 жастағы жүргізушісі ҚР ҚК 590-бабының 3-бөлігі (Көлік құралына көрінеу жалған немесе жалған мемлекеттік тіркеу нөмірлерін тағу) және 590-бабының 4-бөлігі (Көрінеу жалған немесе жалған мемлекеттік тіркеу нөмірлері бар көлік құралын жүргізу) бойынша жауапкершілікке тартылды. Қазіргі уақытта қызметтік көлік арнайы автотұраққа қойылды», – деп түсіндірді Алматы облыстық полиция департаменті.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Су тасқынының шарықтау шегі қашан болады? Ғалымдардың жауабы

Биыл елімізде көрші елден мол су келіп жатыр. Бұл ағын қашанға дейін жалғасады? Шарықтау шегіне қашан жетеді? Massaget.kz тілшісі сарапшылардың пікірін...