Алматы облысы Еңбекшіқазақ ауданының бірнеше мұғалімі ағылшын тілінен мәжбүрлі түрде өтуге талап етілген ақылы курстаға шағымданды. Желіде аталған мәлімет туралы аудиожазба таралды, деп хабарлайды Stan.kz ақпарат агенттігі.
Аудиода әйел мұғалімдерден тіркеліп, оқу болатын жерге қолма-қол ақша төлеуді сұрайды. Сонымен қатар, ол тізім бойынша әрқайсысын тексеретінін ескертеді.
Ол сондай-ақ ақылы оқуға 215 оқытушыдан 124 оқытушы тіркелгенін хабарлайды.
«Банк карталары мен басқа төлем жоқ, ақшаны өзіңізбен бірге алып келіңіздер. Қатыспағандар маған директорларының қолы қойылған түсініктеме алып келсін», – дейді әйел.
Алматы облысының білім басқармасы оқиғаға жедел жауап берді. Ведомствоның мәліметінше, ауданның оқу-әдістемелік орталығының қызметкерлері жазаланды.
«1-4 маусым аралығында Еңбекшіқазақ ауданы аумағында екі күндік ақылы ағылшын тілі курстары өткізілді. Біз ақылы курстар мен семинарларды өткізуге қатаң тыйым саламыз. Ауданның оқу-әдістемелік орталығының қызметкерлері жазаға тартылып, ескерту алды», – деп хабарлады ведомстводан.
