Ұлттық қауіпсіздік комитеті өкілі қаңтардағы оқиға кезінде ұрланған қару тәркіленгенін айтты, – деп хабарлайды Tengrinews.kz тілшісі ҰҚК баспасөз қызметіне сілтеме жасап.
«2022 жылғы сәуір-мамырда ҰҚК және оның аумақтық департаменттері заңсыз айналымнан қаңтар оқиғасы кезінде ұрланған қаруды іздеу, тәркілеу бойынша жедел-іздестіру іс-шараларын жүргізді», – деп атап өтті комитет өкілі.
![](https://kaz.tengrinews.kz/userdata/u283/2022-06/resize/80e2c7cd811a1c090a7a4dba5e33730d.jpeg)
Алматы облысында «Байкал» тапаншасы, екі мылтық, 10 гранат, 104 түрлі калибр оқ-дәрі табылған. Сонымен қатар, жаппай тәртіпсіздікке қатысушылардан 3 қару мен 109 оқ-дәрі тәркіленген. Макаров тапаншасын сату кезінде қылмыскер ұсталған. Қаңтардағы оқиға кезінде Талдықорған Полиция басқармасынан ұрланған тағы бір тапанша оның тұратын жерінен тәркіленген.
![](https://kaz.tengrinews.kz/userdata/u283/2022-06/resize/3c1bfad4d63cc18376f05c2305c45734.jpeg)
Алматыда жаппай тәртіпсіздікке қатысушыларды, соның ішінде Президент резиденциясына шабуыл жасағандарды ұстау барысында «Глок» тапаншасы, 29 оқ-дәрі және 3 тегіс ұңғылы мылтық тәркіленген.
«Қазақстан» ҰҚТ тергеудегі мүшелері өз еркімен 39 қару, 1 шу гранат, 1 оқ-дәрі және 98 оқ-дәрі тапсырды.
Полиция органдарымен бірлесіп, «Қорған»аңшылық дүкенінен қару ұрлауға қатысы бар өңір тұрғындары ұсталды. Тінту барысында олардың тұратын жерінен оптикалық нысана, тегіс ұңғылы оқ-дәрі жабдықтауға арналған құрылғы, сондай-ақ, ASG страйкбол мылтығы тәркіленді», – деп атап өтті ҰҚК өкілі.
Жамбыл облысынан Калашников автоматы, револьвер, «Сайга» карабині және 328 оқ-дәрісі бар қоймалар табылған.
Қызылорда облысынан Калашников автоматы, Макаров тапаншасы, «Борз» тапанша-пулеметі, «Сайга» карабині, Ф-1 гранаты және 59 оқ-дәрі тәркіленген.
Шығыс Қазақстан облысында Полиция департаментімен бірлесіп, қоймадан 1 шолақ мылтық, бір РГ-42 гранатасы, 168 оқ-дәрі және бір оқ өтпейтін жилет тәркіленген .
![](https://kaz.tengrinews.kz/userdata/u283/2022-06/resize/cd05c9e47a4bbdff0ca3f42aa50419e4.jpeg)
Түркістан облысында полиция органдарымен бірлесіп, «Мосина» маркалы мылтығы тәркіленген.
«Заңсыз айналымнан барлығы 61 қару, 13 гранат және 1170 оқ-дәрі тәркіленді. Осы деректер бойынша соталды тергеу жүргізіліп жатыр», – деп қорытындылады ведомство өкілі.