Өзгеретін, өзгертетін Уақыт!

21 C
Nur-Sultan
23 C
Almaty
24.3 C
Shymkent

Зеленский украин халқына үндеу жасады

Танымал

Ел аузында

Украина президенті Владимир Зеленский украиналықтарға баспаналарын тастамауды сұрап, үндеу жасады, – деп хабарлайды Tengrinews.kz тілшісі.

«Кең ауқымды соғыстың 229-шы күні. 229-шы күні бізді құртып, жер бетінен өшірмекші. Запорожьеде үйде ұйықтап жатқан адамдарды жойды. Днепр мен Киевте жұмысқа бара жатқан адамдарды өлтіреді.

Бүкіл Украинада әуе дабылы басылмай тұр. Зымырандардың соққысы әлі де өршіп тұр. Өкінішке орай, қаза тапқандар мен жараланғандар бар. Өтініп сұраймын, баспаналарыңызды қалдырмаңыздар. Өздеріңізді, туыстарыңызды қорғаңыздар», – деп жазды Зеленский Telegram-да.

Зеленский Киевке жасалған шабуылдардан кейінгі кадрларды да жариялады.

Киев мэрі Виталий Кличко зымырандардың қала орталығындағы (Шевченков ауданы) және Соломенск ауданындағы нысандарға түскенін айтты.

«Әуе шабуылы, яғни қауіп жалғасып жатыр. Киев тұрғындарына баспанада болыңдар деп үндеу жасағым келеді. Қала маңындағы елді мекендердің тұрғындарынан қалаға шықпауларын сұраймын. Киевтің орталық көшелерін жауып тастады. Тәртіп сақшылары, құтқару қызметі жұмыс істеп жатыр», – деп жазды Кличко.

Украина Ішкі істер министрлігі басшысының кеңесшісі Ростислав Смирновтың айтуынша, зымыран соққысы салдарынан қаланың Шевченков ауданында сегіз адам қаза тауып, тағы 24 бейбіт тұрғын жараланған.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Су тасқынының шарықтау шегі қашан болады? Ғалымдардың жауабы

Биыл елімізде көрші елден мол су келіп жатыр. Бұл ағын қашанға дейін жалғасады? Шарықтау шегіне қашан жетеді? Massaget.kz тілшісі сарапшылардың пікірін...