Қарағанды облысы Костенко атындағы шахтадағы өртке қатысты соталды тергеп-тексеру басталды, – деп хабарлайды Бас прокуратураның баспасөз қызметі.
«Өткен түнде Қарағанды облысында Костенко атындағы шахтадағы өрт дерегі бойынша тау-кен немесе құрылыс жұмыстарын жүргiзу кезiнде қауiпсiздiк қағидаларын бұзу бабы бойынша соталды тергеп-тексеру басталды (Қылмыстық Кодекстің 277-бабының 3-бөлігі).
Арнайы прокурорлардың басшылығымен ведомствоаралық жедел-тергеу тобы құрылды, оның құрамына құқық қорғау органдарының неғұрлым тәжірибелі қызметкерлері мен ТЖМ мамандары енгізілді», – делінген хабарламада.
Жергілікті жерде тергеу жұмысын бас Прокурордың бірінші орынбасары Тимур Тәшімбаев пен ІІМ Министрінің орынбасары Қайрат Сүнтаев үйлестіріп жатыр.
