Түркістан облысының әкімі Дархан Сатыбалды өңірде 100 млрд теңге болатын күкірт қышқылын өндіретін зауыт салынатынын айтты.
Зауыттың құрылысы 2024 жылы басталады.
«Бүгінде облыс өнеркәсібінің негізін тау-кен өнеркәсібі яғни уран өндірісі құрайды. «Қазатомөнеркәсіп » ұлттық компаниясы Созақ ауданында күкірт қышқылын өндіретін зауыт салуды жоспарлап отыр. Жер учаскісі анықталып, компания тарапынан техникалық-экономикалық негіздеме әзірленіп жатыр. 2024 жылы зауыттың құрылысы басталады. Жобаның құны – шамамен 100 млрд теңге», – деді Дархан Сатыбалды өңірлік коммуникация қызметінде өтіп жатқан баспасөз мәслихатында.
