Бұл туралы облыстық ПД өкілдері мәлімдеді.
Ұлытау облысындағы «Жомарт» шахтасында болған апатқа қатысты қылмыстық іс қозғалды, – деп хабарлайды Aikyn.kz.
Шахтадағы апат салдарынан 7 жұмысшы қаза тапты.
– Аталған факті бойынша Қылмыстық кодекстің 277-бабы 3-бөлігі («Тау-кен немесе құрылыс жұмыстарын жүргiзу кезiнде қауiпсiздiк қағидаларын бұзу») бойынша қылмыстық іс қозғалды. Оқиға орнында департаменттің жедел тергеу топтары жұмыс істеп жатыр, – деп мәлімдеді облыстық Полиция департаменті.
Қазір барлық қажетті тергеу әрекеттері жүріп жатыр.
