Tengrinews.kz тілшісі қала әкімдігі ғимараты маңындағы жағдайды көріп қайтты.
Әкімдік ғимараты маңында өртенген көліктер тұр.
![](https://kaz.tengrinews.kz/userdata/u279/2022-01/resize/0fd18fbb50a36b254146a6933a1dcef7.jpeg)
Таңғы сағат 10.00-де әкімдік маңындағы алаңда шеруге шыққандар байқалмайды. Әскерилер қала әкімшілігі ғимаратын қоршауға алған.
Сәтбаев көшесінің Назарбаев даңғылынан Желтоқсан көшесіне дейінгі бөлігі жабылған.
![](https://kaz.tengrinews.kz/userdata/u279/2022-01/resize/7f1b8e8ac213ba697446cc5e864d0e15.jpeg)
Еске салайық, Алматыда 19 қаңтарға дейін Төтенше жағдай режимі енгізілген болатын. Қалада қоғамдық тәртіпті, әсіресе мемлекеттік және стратегиялық нысандарды қорғау күшейтілген.
Көлік құралдарын қоса алғанда, қозғалысқа шектеулер белгіленген, құжаттар тексеріледі.
Алматыға кіруге және шығуға шектеу қойылған.
Кез келген іс-шара мен заңсыз жиындарға тыйым салынады. Жеке тұлғалардан қару-жарақ пен улы заттар уақытша тәркіленеді.
Айта кетейік, Алматыда 5 қаңтардан 19 қаңтарға дейін Төтенше жағдай енгізілгені хабарланған болатын. Коменданттық сағат 23.00-ден 7.00-ге дейін болады.
Алматы, ІІМ, ҰҚК, Қорғаныс Министрлігі және ТЖМ төтенше жағдай режимі кезінде қолданылатын шараларды жүзеге асыруға жауапты саналады.
Жарлық қол қойылған күнінен бастап қолданысқа енгізіледі.