«Қазавтожол» ҰК» АҚ Алматы маңындағы республикалық маңызы бар тасжолдарды кім тазалау керек екенін түсіндірді, – деп хабарлайды Tengrinews.kz тілшісі.
Компания мәліметінше, олар ақылы Алматы-Қапшағай, Алматы-Қорғас, сондай-ақ Алматы-Бішкек және Құлжа тасжолдарына жауапты. Дегенмен, қар тазалау және басқа өңдеу жұмыстарын мердігер компаниялар жүргізеді.
«Алматы-Бішкек және Құлжа тасжолдарын тазалау және реагенттерді өңдеумен «Қазақавтодор» ЖШС айналысады. Алматы-Қапшағай және Алматы-Қорғас ақылы жолдарына келсек, жуырда оларды тазалау бойынша байқауда «Шыңғыс жолдары» серіктестігі жеңіске жетті», – деді «Қазавтожол» өкілдері.
Республикалық маңызы бар жолдарды тазалау және мұздан тазарту жұмыстары нашар жүргізілген жағдайда жүргізушілер «Қазавтожол» ҰК» АҚ-тың 1403 телефоны бойынша байланыс орталығына шағым түсіре алады.
