Ресей АҚШ президенті Джо Байденге және АҚШ-тың басқа да жоғары лауазымды шенеуніктеріне жеке шектеулер енгізді, деп хабарлайды Stan.kz ақпарат агенттігі РИА Новостиге сілтеме жасап.
Бұл туралы Ресей Сыртқы істер министрлігі хабарлады.
Министрлік мұндай шешім американдық гегемонияны сақтап қалуға тырысып жатқан АҚШ-тың қазіргі басшылығының орысфобиялық бағытына қарсы реакция екенін атап өтті.
«Ресей Федерациясының жоғары лауазымды тұлғаларына АҚШ-қа кіруге тыйым салатын бұрын-соңды болмаған санкциялар сериясына жауап ретінде, 15 наурыздан бастап күшіне енетін тізімге президент Джо Байден, сондай-ақ бірқатар жетекші ведомстволар мен танымал американдық қайраткерлері енгізілді», – деді министрлік.
Жақын арада Ресейден санкциялар тізімін кеңейту туралы жаңалықтар болатыны хабарланды. Оның құрамына АҚШ-тың жоғары лауазымды тұлғалары, әскерилері, заң шығарушылары, кәсіпкерлері, сарапшылары және «русофобия көзқарасы бар немесе Ресейге өшпенділік тудыруға ықпал ететін» БАҚ өкілдері болады.
«Жауап санкциялары Ресей экономикасын және оның тұрақты дамуын қамтамасыз ету үшін үкімет шешімдеріне байланысты қабылданады», – деп қосты министрлік.
Жауап санкцияларының толық тізімі:
1. Джозеф Байден;
2. Энтони Блинкен – АҚШ Мемлекеттік хатшысы;
3. Ллойд Остин – АҚШ қорғаныс министрі;
4. Марк Милли – Біріккен штабтар бастықтары комитетінің төрағасы;
5. Джейкоб Салливан – АҚШ президентінің ұлттық қауіпсіздік жөніндегі көмекшісі;
6. Уильям Бернс – ЦРУ директоры;
7. Дженнифер Псаки – Ақ үйдің баспасөз хатшысы;
8. Дулеп Сингх – АҚШ Президентінің ұлттық қауіпсіздік жөніндегі көмекшісінің орынбасары;
9. Саманта Пауэр – Халықаралық даму агенттігінің директоры;
10. Хантер Байден – АҚШ президентінің ұлы;
11. Хиллари Клинтон – АҚШ президенттігіне бұрынғы үміткер;
12. Адевайл Адейемо – Қаржы министрінің бірінші орынбасары;
13. Рета Джо Льюис – Экспорт-импорт банкінің президенті және директорлар кеңесінің төрағасы.
