Қазақстан мен Ұлыбритания стратегиялық серіктестік туралы келісімге қол қоюды жоспарлап отыр. Бұл туралы Қазақстанның Лондондағы елшісі Ерлан Ыдырысов айтты, – деп хабарлайды Tengrinews.kz тілшісі РИА Новости сайтына сілтеме жасап.
Брифинг барысында Ерлан Ыдырысов Ұлыбритания Қазақстан үшін мықты серіктес екенін атап өтті.
«Әріптестік байланысты одан ары жалғастырамыз. Қазақстанның сыртқы істер министрі жақын арада Ұлыбританияға жұмыс сапарымен келеді деп ойлаймын. Стратегиялық серіктестік бойынша жаңа екіжақты сауда келісіміне қол қоямыз деп үміттенемін», – деді елші.
