Өзгеретін, өзгертетін Уақыт!

19 C
Nur-Sultan
25 C
Almaty
32.3 C
Shymkent

Конституцияда қандай өзгерістер болады?

Танымал

Ел аузында

Әділет министрі Қанат Мусин Президент Жолдауын жүзеге асыру бойынша жалпыұлттық жоспарды таныстырды, – деп хабарлайды Tengrinews.kz тілшісі.

Министр жалпыұлттық жоспар бойынша Конституцияға мынадай өзгерістер енгізілетінін айтты:

  • Президент өкілеттігін, оның қызметіне байланысты шектеулерді белгілеу туралы;
  • Орталық сайлау комиссиясының, Есеп комитетінің, Конституциялық кеңестің төрағалары мен мүшелерінің саяси партиялардан шығуы,
  • Парламент Сенаты мен Мәжілісін қалыптастыру және оның функциялары, республикалық бюджеттің атқарылуын бақылау жөніндегі есеп комитетін жоғары аудиторлық палатаға айналдыру тәртібі,
  • Мәслихаттарды қалыптастыру тәртібі,
  • Конституциялық сот құрып, оған азаматтардың, бас прокурор мен адам құқықтары жөніндегі уәкілдің өтініш білдіру мүмкіндігін белгілеу,
  • Конституцияда өлім жазасын жою туралы шешімді бекіту.

Мусин бұл блок бойынша заң жобасын әзірлеу 2022 жылғы сәуірде жоспарланып отырғанын айтты.

Сондай-ақ, конституциялық заңдар бойынша өзгерістер енгізу жоспарланып отыр:

  • әкімдер мен олардың орынбасарларына партия филиалдарында қызмет атқаруға тыйым салу,
  • Парламент Сенаты мен мәжілісін қалыптастыру тәртібі және оның функциялары,
  • Конституциялық Кеңестің және Жоғары Сот Кеңесінің төрағалары қызметіне кандидатураларды келісу,
  • Жоғары аудиторлық Палатаның құрылуы,
  • Мәслихаттарды қалыптастыру тәртібі мен олардың функциялары,
  • Саяси партияларды тіркеу рәсімін оңайлату,
  • Прокуратура мен адам құқықтары жөніндегі уәкіл қызметінің мәселелері бойынша,
  • Сайлау процесін жетілдіру,
  • Алқабилер сотын қатысатын істерді кеңейту,
  • Бұқаралық ақпарат құралдары туралы заңды қайта қарау,
  • Жергілікті өзін-өзі басқару.

Конституциялық заңның және осы блок бойынша заң жобаларын әзірлеу 2022 жылғы тамызда жоспарланып отырғаны айтылды.

Абай, Ұлытау облыстарын құру жөніндегі Президент жарлықтары мен Үкімет қаулыларының жобаларын әзірлеу, Алматы облысын Жетісу және Алматы облыстарына бөлу, облыстар мен республикалық маңызы бар қалалар әкімдері орынбасарларының саны бойынша шектеу жұмыстары 2022 жылғы маусымда жүргізіледі.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Құрбан айтта Алматыда мал соятын арнайы орындар анықталды

Қасиетті Құрбан айт биыл 16 маусымда басталады. Алматыда санитариялық талаптар сақталуы үшін мал сату мен союға, таратуға арналған 14...