Украина мен Ресей келіссөздеріндегі украин делегациясының басшысы Давид Арахамия Украинаның бейтараптығы туралы референдум өткізуге кемінде бір жыл кетуі мүмкін екенін айтты, деп хабарлайды Stan.kz ақпарат агенттігі.
«Халық қызметшісі» фракциясының жетекшісі YouTube арнасында көрсетілген ұлттық телемарафонның эфирінде осындай мәлімдеме жасады. Саясаткер мұндай шешімді жалпыхалықтық референдумда саясаткерлер емес, Украина халқы қабылдауы керек деді.
«Біздің шындықты ескере отырып, рәсім кем дегенде бір жылға созылады деп ойлаймын. Бұл қиын мәселе, бұл толығымен украиндықтардың таңдауы болуы керек», – деді Арахамия.
Оның айтуынша, бейтараптық декларациясы үш миллион адамның қолын тіркеуді қажет етеді, бұл ұзақ рәсім.
«Бұл бейбіт аумақтан тыс жерде жүзеге асырылмайтын үлкен рәсім, егер референдумда дауыс берілсе, онда біз конституцияға өзгерістер енгіземіз», – деп қосты ол.
Еске салайық, 29 наурызда Ыстамбұлда Ресей мен Украина өкілдері арасында жағдайды бейбіт жолмен реттеу туралы келіссөздер өткен болатын.
