Өзгеретін, өзгертетін Уақыт!

-6 C
Nur-Sultan
-1.1 C
Almaty
0.3 C
Shymkent

Рудныйда студенттердің жаппай астан улануы: Полиция қылмыстық іс қозғалды

Танымал

Ел аузында

Рудныйда студенттердің жаппай астан ұшынуына қатысты қылмыстық іс қозғалды.Колледж асханасын жалға алған кәсіпкер қызметі тексеріліп жатыр. Колледж асханасы жеке корпуста орналасқан. Қазір жабық тұр. Оның қашан ашылатыны белгісіз. Дәл осында кеше жүз отыздан астам шәкірт тамақ ішкен. Түстен кейін соның тең жартысы өзін нашар сезіне бастаған көрінеді, деп хабарлайды Stan.kz ақпарат агенттігі Astana арнасына сілтеме жасап. 

«Тамақ ішкен кезде балалар тамақ жақсы деген, ішкен. Жанындағы қарап жүрген педагогтар да тамақтар барлығы жақсы болды дейді. Біз мұндай жағдай болады деп күткен жоқпыз. Сол ішіп болғаннан кейін алғашқы балалар екі-үш сағаттан кейін ауыра бастаған. Тексеру жұмыстары жүріп жатыр. Соның нәтижесі бойынша мұның қалай және неден болғанын білеміз», – деді Рудный Тау-кен технологиялық колледжінің директоры Қайсар Қанешов.  

Қалалық ауруханаға 19 студент жеткізілген. Дәрігерге қаралған соң бесеуі үйіне жіберіліпті. Қалғаны 5 күн ем-дом алады. Оларға «өткір гастроэнтерит» диагнозы қойылған.

«Түскен кезде балалар да құсу болды. Іш өту болды және де температуралары жоғарлады. Көрсеткіштеріне байланысты асқазан шаю жұмыстары жүргізілді. Керек жағдайда балаларға дәрі тамызғыш қойылды. Барлық балалар толық көлемде  антибиотиктер алып жатыр», – деді Рудный қалалық ауруханасының педиатр-дәрігері Еркежан Садықова. 

Студенттерді ыстық тамақпен жеке кәсіпкер қамтамасыз етеді.  Сәуле Шұғыбаеваның асхананы жалға алып, жұмыс бастағанына   әлі бір ай да болмапты.   

«Азық-түлікті күн сайын әкелеміз. Бұзылып кетуі мүмкін емес. Тікелей дүкеннен аламыз», – деп мәлімдеді ЖШС директоры Сәуле Шұғыбаева.  

Балалардың жаппай астан ұшынуына қатысты полиция қылмыстық іс қозғаған. Ал санитариялық-эпидемиологиялық бақылау басқармасы колледж асханасын жоспардан тыс тексеруге кірісті. Мамандар азық-түлік өнімінің, судың, шайындылардың сынамаларын алып, зертханалық зерттеу жүргізеді. Асханада жұмыс істеген адамдар да жіті тексеріледі.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Сайран көлінде Қызыл кітапқа енген аққұтан өлтірілген: полиция мән-жайды анықтап жатыр

Алматы полиция департаменті әлеуметтік желіде тараған «Сайран көлінде Қызыл кітапқа енген аққұтан өлтірілді» деген хабарламаға қатысты түсінік берді, —...