Өзгеретін, өзгертетін Уақыт!

23 C
Nur-Sultan
28 C
Almaty
32.3 C
Shymkent

Полицейлер табиғатты қорғау заңнамасын бұзған 120-дан астам тұрғынға шара көрді

Танымал

Ел аузында


Түркістан облысы ПД Жергілікті полиция қызметі табиғатты қорғау полициясының қызметкерлері «Браконьер» жедел-профилактикалық іс-шарасын өткізіп, 120-дан астам әкімшілік құқық бұзушылық пен 1 экологиялық қылмысты анықтады. Браконьерлерден 11 тіркелмеген аңшы мылтығы, 8 балық аулауға арналған шанышқы, 3 ау-тор, қайық және 90 келіден астам заңсыз ауланған балық тәркіленді. Мәселен Келес ауданының полицейлері Сырдария өзенінде заңсыз балық аулаумен айналысқан браконьерді ұстады. Ер адамнан балық аулау торлары мен 70 келі балық тәркіленді. Аталған жайт ҚР ҚК-нің 335-бабы «Балық ресурстарын, басқа да су жануарларын немесе өсiмдiктерін заңсыз алу» бойынша тіркеліп, сотқа дейінгі тергеу амалдары жүргізілуде. Бұдан бөлек жануарлар дүниесін пайдалану талаптары мен аң аулау ережелерін бұзғаны үшін 60 тұрғын, ал балық шаруашылығы саласында 50 тұрғын құқық бұзғаны үшін әкімшілік жауапкершілікке тартылды. Сондай-ақ 10 бұзушыға ҚР ӘҚБтК-нің 383-бабы 3-бөлігі бойынша әкімшілік хаттама толтырылды. 1 тұрғын ағаштарды заңсыз кескені үшін ҚР ӘҚБтК-нің 381-бабы бойынша жауапқа тартылды. Естеріңізге сала кетсек, «Браконьер» іс-шара өңірдегі браконьерліктің, заңсыз аң аулаудың, балық аулаудың және табиғат қорғау заңнамасын бұзудың алдын алу және жолын кесу мақсатында өткізілді.
Түркістан облысы ПД баспасөз қызметі

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Құрбан айтта Алматыда мал соятын арнайы орындар анықталды

Қасиетті Құрбан айт биыл 16 маусымда басталады. Алматыда санитариялық талаптар сақталуы үшін мал сату мен союға, таратуға арналған 14...