Ресейлік мамандар бала емізетін әйелдерге “Спутник V” вакцинасын салуға рұқсат берді. Бұл туралы Ресейдің Дәрілік құралдардың мемлекеттік реестірінде жарияланған, деп хабарлайды Stan.kz ақпарат агенттігі.
«Қарсы көрсетілімдері: вакцина құрамындағы компонентке немесе вакцинаға деген гиперсезімталдық; анамнездегі ауыр аллергиялық реакция; инфекциялық және инфекциялық емес ауру; созылмалы аурудың асқынуы – вакцина толық емделген соң 2-4 аптадан кейін немесе ремиссия уақытында салынады. Ауыр емес ЖРВИ, асқазан-ішек жолының инфекциясы кезінде температура қалыпқа келген соң вакцина салынады; жас мөлшері 18 жасқа дейін», – делінген құжатта.
Қыркүйек айында Денсаулық сақтау министрлігі бала емізетін аналарға «Спутник V» салуға болмайтынын, бұл үшін қажетті зерттеулердің жүргізілмегенін хабарлаған болатын. Сонымен қатар жүкті әйелдерге вакцина пайдасы келетін қауіпке қарағанда басымырақ болса, вакцина салуға рұқсат берген еді.
Айта кетейік, бұған дейін «Спутник V» вакцинасының балаларға арналған нұсқасы келесі жылдың басында шығуы мүмкін екенін мәлімдеген болатынбыз.
