Польшалық ару Каролина Белявска «Әлем аруы» атанды. Бұл туралы жарыстың ресми сайтында хабарланды.
23 жастағы бойжеткен жетпісінші «Әлем аруы» атанды.
«Каролина қазір менеджмент мамандығы бойынша магистратурада оқиды және оқуын PhD докторантурада жалғастырғысы келеді. Каролина сонымен қатар модель болып жұмыс істейді. Ол жүзуді және аквалангпен жүзуді, сондай-ақ теннис пен бадминтон ойнағанды ұнатады. Бір күні ол мотивациялық спикер боламын деп үміттенеді», – делінген сайтта.
Бойжеткен волонтерлік қызметпен де айналысады. Әр демалыс сайын ол командасымен бірге Польшаның Лодзь қаласындағы мұқтаж жандарға азық-түлік пен қажетті заттарды жеткізіп береді.
«Әлем аруы» тәжін оған ямайкалық Тони-Эн Сингх тапсырды. Бірінші орынды америкалық Шри Сайни, екінші орынды Кот-д’Ивуардан келген Оливия Яс иеленді.
